ပ္ဍဲအခိၚ် ဍုၚ်သေံ ၈ နာဍဳ စဵုကဵု ၁၀ နာဍဳကဝက်ဂှ် ရန်တၟအ်ကဵု ဂကူမန်ပိုဲ နွံတန်တဴမံၚ် ပ္ဍဲဍုၚ်မ္ၚးတံ ဂွံကၠိုဟ်ခၠၚ်တီညာတ် ဂၠံၚ်တရဴ ကံၚ်ဇြဳဖေဝ်ဒရေဝ်ဍုၚ်မန် (MSFC) ကီု သီုသၞောတ်ပရေၚ်ဍုၚ်ကွာန် ဒက်ပတန်ကၟိန်ဍုၚ်ဖေဝ်ဒရေဝ်ကီု သောၚ်ကလးအကာဲအရာပရေၚ်ပၠန်ဂတးကီုတုဲ နူကဵု MSFC ဌာနဆက်ဆောံလ္ပာ်မ္ၚး ကၠောန်သ္ပ ပေဲါသောၚ်ကလးရ။
ပ္ဍဲကဵု ပေဲါသောၚ်ကလးဂှ် ဥက္ကဌကမ္မတဳပရေၚ်အုပ်ဓုပ် နာဲကသုမန် သ္ပတိုၚ် သောၚ်ကလးကဵု (၁) ဝၚ်ကၟိန်ဍုၚ်ပိုဲ ဟိုတ်ဖဵု ကောန်ဍုၚ်အရၚ်တံ အာတ်မိက် ဒက်ပတန်ကၟိန်ဍုၚ်ဖေဝ်ဒရေဝ် (၂) ဗီုပြၚ် ကၟိန်ဍုၚ်ဖေဝ်ဒရေဝ် ဂကူမန်တံ နွံပၟိက် (၃) အကာဲအရာပၠန်ဂတး ကောန်ဍုၚ်အရၚ်ဂမၠိုၚ်တံဂှ် သောၚ်ကလးကဵုတုဲ ညးတိုန်စိုပ်တံ သၟာန်သၟုက် သဳကၠဳ ဗွဲမသၠဲလးရ။
ပ္ဍဲကဵု ပေဲါသောၚ်ကလးဏံမ္ဂး ညးအာက္ဍိုပ်ဂကောံ ပ္ဍဲဍုၚ်သေံကီု ပ္ဍဲကဵုဍုၚ်မလေဝ်ယှာကီု ညးရီုဗၚ်မံၚ်ပရေၚ်ပၠန်ဂတးကီု ဗၞတ် (၂၅) တၠတိုန်စိုပ်ရ။
ယဝ်ရ ဂကောံမန်တံ နွံပၟိက်ကဵု ပရေၚ်သောၚ်ကလးမ္ဂး ကေတ်အဆက် အတိုၚ် ဗွဲသၟဝ်ဏံညိ။
