လိက်လလောၚ်တြးကဵုသမ္တီကုညးဍုၚ်ကွာန်

စၟတ်တ္ၚဲ – ၁၅. ၁၂. ၂၀၂၃

အခိၚ်တ္ၚဲဏအ်ဝွံ သွက်ဂွံဗ္တိုက်သရိုဟ်ကၠေံ သၞောတ်တၠအဝဵုပၞာန် မဒှ်သၞညးဍုၚ်ကွာန်မန်ပိုဲဂှ် မၞုံပၟိက်ကၠုၚ်ကဵု ပရေၚ်ပၠန်ဂတးရပ်လွဟ်ဇၞော်ကဵုဇြဟတ်တုဲ ညးတာလျိုၚ်ၜါလပါ် ဒပ်ပၠန်ဂတးဍုၚ်မန် (Mon State Revolutionary Force – MSRF) ကေုာံ ကံၚ်ဇြဳဖေဝ်ဒရေဝ်ဍုၚ်မန် (Mon State Federal Council – MSFC)တအ် သဳကၠဳဂွံတၚ်တုပ်စိုတ် အတိုၚ်ဗွဲသၟဝ်ဝွံရ။

(၁) ဒပ်ပၠန်ဂတးဍုၚ်မန် (MSRF) ဝွံ ဒုၚ်ဂိုၚ်ကေတ်ပၠတရဴပရေၚ်ဍုၚ်ကွာန်၊ ပရေင်ပၞာန် ကံၚ်ဇြဳဖေဝ်ဒရေဝ်ဍုၚ်မန် (MSFC) တုဲ ဒတူလိုၚ်အာ နဒဒှ်ဒပ်ပၞာန်ဍုၚ်မန် (ဝါ) ဒပ်ပၞာန်တွဵုရးမန်ရောၚ်။

(၂) ဒပ်ပၠန်ဂတးဍုၚ်မန် (MSRF) ဝွံဗ္တိုက်သရိုဟ်အာ သၞောတ်တၠအဝဵုပၞာန် သၟဝ်ပၠတရဴပရေၚ်ဍုၚ်ကွာန်၊ ပရေၚ်ပၞာန် ကံၚ်ဇြဳဖေဝ်ဒရေဝ်ဍုၚ်မန် (MSFC)တုဲ တၚ်နွံပၟိက်ဆေၚ်ကဵုပရေၚ်ပၞာန်နာနာသာ်တအ်ဂှ် နူကဵုကံၚ်ဇြဳဖေဝ်ဒရေဝ်ဍုၚ်မန် (MSFC) ဖ္ဍိုက်ဗပေၚ်အာရောၚ်။

(၃) ဒပ်ပၠန်ဂတးဍုၚ်မန် (MSRF) ကေုာံ ကံၚ်ဇြဳဖေဝ်ဒရေဝ်ဍုၚ်မန် (MSFC)တအ်ဝွံ ဗတိုက်သရိုဟ်အာ သၞောတ်တၠအဝဵုပၞာန်၊ လုပ်အာပေါဲဗ္တိုက်သွက်ညးဍုၚ်ကွာန် မွဲကရောံမွဲစွံ စဵုကဵုစိုပ်တိုၚ်ပ္ကဴရောၚ်။

ဟိုတ်ဒှ်သာ်ဂှ်ရ စပ္တမ်နူစၟတ်တ္ၚဲ 15 December 2023 တုဲ ဒပ်ပၠန်ဂတးဍုၚ်မန် (MSRF) ဝွံ တန်တဴအာ နဒဒှ်ဒပ်ပၞာန် ကံၚ်ဇြဳဖေဝ်ဒရေဝ်ဍုၚ်မန် (MSFC)တုဲ ဆက်လုပ်အာပေါဲဗ္တိုက် သွက်ညးဍုၚ်ကွာန်မန်ပိုဲရောၚ်ဂှ် လလောၚ်တြးကဵုဏာသမ္တီကုညးဍုၚ်ကွာန်ရအဴ။

ဆက်စၠောံ

နိုင်မွန်စိုင်း (MSFC) +66 81 365 9140 (Signal)

နိုင်နဂါး (MSRF) +61 404 173 022 (Signal)