ဂိတုဖေဖဝ်ဝါရဳ ၂၅၊ ၂၀၂၄
ပ္ဍဲကဵုစၟတ်တ္ၚဲ (၂၄) အခိၚ်ဗတံဂှ် နူကဵုကမ္မတဳကၠောန်ဗဒှ်တ္ၚဲကောန်ဂကူမန် မရနုက်ကဵု (၇၇) ဝါ ဘာသဳရိမၚ်္ဂလ ခရိုၚ်သမုဒ်သဃန် ကၟိန်ဍုၚ်သေံတုဲ ညးအာက္ဍိုပ် ပ္ဍဲကဵုကံၚ်သဳဖေဝ်ဒရေဝ်ဍုၚ်မန် (MSFC) တံ တိုန်စိုပ်ရ။
ပ္ဍဲကဵုပေဲါသဳကၠဳကီု ပ္ဍဲကဵုသဘၚ်တ္ၚဲကောန်ဂကူမန်ဂှ် ညးစၞး MSFC မိကောန်ဆာန်နန်၊ နာဲကသုမန်၊ နာဲဍေန်ပၠဟံသာ၊ နာဲပညာမာန် ကဵု နာဲလွဳမာန်ကီု လပါ်ဒပ်ပၠန်ဂတးဍုၚ်မန် (MSRF) ညးမနွံအခေါၚ်ဟီုဂး နာဲဝၚ်နာဲတံ တိုန်စိုပ်ရ။
ပ္ဍဲကဵုပေဲါသဳကၠဳ ပၞော်တိတ်ဂကူ ပၞော်တိတ်ဗၠးၜးဂှ်မ္ဂး စၞး MSFC ဂှ် နာဲကသုမန် ပတိုန်ထ္ၜး ဒဒှ်ရ ကံၚ်ဇြဳ MSFC ကဵု ဒပ်ပၠန်ဂတးမန်တံ ကၠောန္ၜိုတ် ဒစဵုဒစးတၠအဝဵုပၞာန်ဂှ် ကၠောန်ကၠုၚ် ဗၞတ် (၃) သၞာံရရောၚ်တုဲ အခိၚ်အခါတ္ၚဲဏံဝွံ အဃောဂကူဗမာတံ ဒစဵုဒစး တၠအဝဵုပၞာန်ဗၟာတံဂှ် ဒှ်အခိၚ်အခါခိုဟ် သွက်ဂွံဗတိုက်ကေတ်ဍုၚ်မန်ရောၚ် ဟီုဂးဏာ နွံကီုရ။
စပ်ကဵု ပရေၚ်ဒက်ပတန်ဍုၚ်မန်ဂှ် နကဵုဗီုပြၚ်သၞောတ်ဝ် ဖေဝ်ဒရေဝ် သာ်လဵု ဂွံကၠောန္ၜိုတ်ဖန်က်အာဂှ် ညးစၞး MSFC မိကောန်ဆာန်နန် သောၚ်ကလးဏာ နွံကီုရ။
စပ်ကဵု ပရေၚ်ပၞာန် အခိၚ်ပစ္စုပ္ပန်ဏံ ပ္ဍဲကဵုဒပ်ပၞာန်မွဲမွဲ ဒးဗတိုက်ပၞာန် နကဵုနဲကဲ ကွတ်ဂတာခေတ်နွံတုဲ သၟတ်တံကီု ညးဗြဴတံကီု သွက်ဂွံပါလုပ် ပ္ဍဲကဵုဒပ်ပၞာန်ပၠန်ဂတးတံညိဂှ် နူကဵု သ္ကိုပ်ဌာနစဵုဒၞာ နာဲဍေန်ပၠဟံသာ ဟီုဂးလဝ် နွံရ။
ပ္ဍဲကဵု ပေဲါသဳကၠဳဏံဂှ် ညးအာက္ဍိုပ် MSFC/ MSRF ကီု ညးအာက္ဍိုပ် နူကဵုဒပ်ပၞာန်စဵုဒၞာဍုၚ်မန် (MSDF) ကီု သၟာပရေၚ်ဍုၚ်ကွာန် နာဲဗဂေါမာန်ကီု တိုန်စိုပ်တုဲ ခမဳသၚ် ညးဍုၚ်ကွာန် ဗၞတ် (၃၀၀) တၠတိုန်စိုပ်တုဲ ဗလးပတိတ် Live ကီုရ။
ဌာနလလောင်ပရိုင် ကေုာံ ဆက်ဆောံကုမဟာဇန်
ကံင်ဇြဳဖေဝ်ဒရေဝ်ဍုင်မန်
