မာတ် ၂၆၊ ၂၀၂၄
ရန်တၟံသ္ဂောံဗတိုက်သရိုဟ်ကၠေံ ကံင်ဇြဳပၞါန်ဗၟာ(စကစ) မဓဇန်ကြာန်ဒၟံင်ဂှ်တုဲ သ္ဂံင်တြုံသ္ဂံင်ဗြဴတၟိတၟိ ညးမစိုပ်ကၠုင် ဇရေင်ဒပ်ပၠန်ဂတးဍုင်မန်(MSRF)တအ် စှ်ေဘာတန်ဗ္တောန် ကွတ်ပၞါန်သဇိုင် တုဲဒှ်အာ ပ္ဍဲဂိတုမာတ် စၟတ်တ္ၚဲ ၂၅၊ ဒၞဲါဌာန်ဒတန် ဒပ်ပၠန်ဂတးဍုင်မန်ရ။
ပ္ဍဲသဘင်စှ်ေဘာဂှ်ဝွံ ဒပ်မဟာမိတ်ဂမၠိုင် မပ္တံကဵု ဒပ်ပၞါန်ကွးဘာ ABSDF တမ်ဒပ်(၁)၊ ကရောင်ပၞါန်ဒေါန၊ Ye Air Force (YAF) ၊ Ye Defense Force (YDF) ၊ ရေးသိမ်းငှက်၊ ရေးပြောက်ကျားတပ် (YGF) ၊ မွန်ပြည်နယ်အခြေပြုတော်လှန်ရေးအဖွဲ့အစည်း (MSRO) တအ် တိုန်စိုပ်ကဵုဇြဟတ် မွဲဂကောံမွဲကရောံကု ဒပ်ပၠန်ဂတးဍုင်မန်(MSRF)ရ။
ဘာပကတ်ပကေင် ကွတ်ပၞါန်သဇိုင်ဏံဝွံ ပ္ဍဲဒပ်ပၠန်ဂတးဍုင်မန် (MSRF) ပံက်ဗ္တောန်မာန်ကၠုင် အလန်ပထမ ကိုပ်ကၠာအိုတ်ရောင် လလောင်ပ္တိတ်ဏာပရိုင်ရအဴ။
