လိက်လလောင်တြး စပ်ကဵု ကံင်ဇြဳပၞာန်တအ် စံင်ကွာန်ဓမ္မသ

လၟေင်လိက် (၁၀ / ၂၀၂၄)
စၟတ်တ္ၚဲ – ၂၈ ဂိတု မာတ်ချ် ၂၀၂၄
သၞာံ ၂၀၂၄၊ ဂိတုမာတ် ၂၇၊ ပ္ဍဲတ္ၚဲပၠန်ကုဖါတ်သေတ်ဂှ် ပၞာန်တၠအဝဵုတအ် နကု က္ၜင်ကျာ၊ ဒပ်ဍာ်၊ ဒပ်တိုက် တအ်တုဲ နူကဵု ဒၞာဲဇမ္ၚောဲ ပန်ပၠောပ်လွဟ်ဇၞော် ဇရေင် ကွာန်ဓမ္မသ၊ မၞုံပွိုင်ဍုင်ကျာ်မြဟ်၊ တွဵုရးဍုင်မန်တုဲ ပၟတ်တူအာ လၟိဟ်သ္ၚိ ဗၞတ် (၃၀၀)မပြင်၊ ကောန်ညး ဍုၚ်ကွာန် ၜိုတ်(၆၀၀၀)တၠ စိုပ်အာ ဘဲဒဒိုက်ပၞာန်တုဲ ကောန်ညးဍုင်ကွာန်ဖအိုတ်တအ်ဂှ် ဒှ်ဂကူမန် ဗွဲမဂၠိုင်ရောင်။
အခိင်ပၞာန်အယုတ် တၠအဝဵုတအ် ပန်ပှော်စံင်ကွာန် ပ္ဍဲကွာန်ဂှ် ဒပ်ပၞာန်ပၠန်ဂတးတအ် ညိဟွံသ္ဂောံ ဖျေံလဝ်သ္ဇိုင် ကေတ်လဝ်ဒၞာဲ ဟၟဲမွဲသာ် ရန်တၟံ ဂွံကလေင်ပၠန်ကဵု ဂကောံကရောံ ဒပ်ပၠန်ဂတး မန်၊ ကရေၚ် တအ်တုဲ ဂၠာဲသၞပန်ပှော်ဟပၠောပ် ကရောံညးဍုင်ကွာန်တအ်ဟေင်ရောင်။
ပၞာန်အယုတ်တၠအဝဵုတအ်ဂှ် ကၠာတေံလေဝ် ကေၚ်ကၠောန်သ္ပလဝ် ရာဇဝတ်ပၞာန်၊ ကလိလောန်လဝ်ဒုဟ် ဖအိုတ်သ္အးဂကူတအ် လပါ် တွဵုရးချေင်၊ ရးသေတ်ဂိုင်၊ တွဵုရးကရေင်ဍာဲ ကေုာံ တွဵုရးကရေင် တအ် အိုတ်တုဲ လၟုဟ်လေဝ် ထပ်ကၠောန်သ္ပဏာ ပ္ဍဲတွဵုရးမန်ပၠန်ရောၚ်။ ပွဟွံဂံၚ်ဇီုဗတိုက်ကု ကရောံဒြဟတ် ပၠန်ဂတးတအ်တုဲ ပွဒ္ဂေတ်ကံင်ဇြဳတၠအဝဵုပၞာန်တအ် ဗက်ဂၠာဲသၞ ကုကောန်ညးဍုၚ်ကွာန်ဂှ် နူကဵု ကံင်ဇြဳ ဖေဝ်ဒရေဝ်ဍုင်မန် ပိုဲဏံ ဒစဵုဒစး ဗွဲမဇြိုဟ်နက်ရောၚ်။ ဆဂှ်ဟွံက ဇိုင်ကွာန်ဝုတ်ဒိုဟ် သွက်ဂွံ ဗိုၚ် ပလိုတ်ပၟတ် ကွဳစက်ပလိုတ်ပၟတ် တအ်ဂှ်လေဝ် ဒပ်ပၞာန်အယုတ် တၠအဝဵုတအ် ဟွံကဵုအခေါင်တတ် ကၟာတ်စဵုတာ လဝ်ဂှ် ဒစဵုဒစး ပေင်ပေင်ရောင်။
ဆက်တုဲ သွက်ပရေင်ဂီုကၠီုညးဍုင်ကွာန် ဂွံရေင်တၠုင်စဵုဒၞာအာမာန်ဂှ် ပွကမၠောန် ရုန်မဵုကြာန်ဓဇန် လ္တူကောန်ညးဍုင်ကွာန်တအ် ကၠောန်ဒၟံင်ကြာန်န် ကုပၞာန်အယုတ်တၠအဝဵုတအ် ညံၚ်ဂွိအ်ကၠောန် ဂွံတန်ဒေါံအာဂှ် အလုံကောန်ညးဍုၚ်ကွာန်တအ် ဒးပ္တိုက်သရိုဟ်အာ နဲကဲစုၚ်တုဲ ဗီုပြၚ်ကမၠောန် ရုန်မဵု ကြာန်ဓဇန်တအ်ဏံ ဂွံတန်ဒေါံအာဂှ် ဒးပလှ် ပ္တိုက်သရိုဟ်ဖျေံ ကံၚ်ဇြဳပၞာန်တၠအဝဵုဂှ် မ္ဒးဆဝ်မ္ၚုဟ်ဏာရ။
အခိၚ်ကာလလၟုဟ်ဏံ ဟိုတ်ဒပ်ပၞာန်အယုတ်တၠအဝဵုတအ် ကၠောန်ဏာကြာန်န် ကောန်ဍုင်ကွာန် စိုပ်အာဘဝ ဟၟဲကဵုသ္ၚိဌာန် ဒှ်ကၠုင်ဘဲဒဒိုက် ဒုက္ခဂမၠိုင်ဂှ် သွက်ဂွံကဵု အရီုအဗင်မာန် ကောန်ဂကူမန် မၞုံပ္ဍဲတိဍာ်မန်ဂမၠိုင်ကီု၊ ကောန်ဂကူမန် မတန်တဴဒၟံင် ဍုင်သ္အာင်ဂမၠိုင်ကီု၊ ကောန်ညးဍုင်ကွာန် အလုံ ကၟိန်ဍုင် ကီု ကေုာံ ဂကောံဗော်သွးဂၠးကဝ်နာနာတအ် စင်ခြင်ဗ္စာရဏာပရေင်မၞိဟ်တုဲ ညံၚ်သ္ဂောံကဵု အရီုအဗၚ်မာန်ဂှ် နူကံင်ဇြဳဖေဝ်ဒရေဝ်ဍုင်မန်ဏံ ဗ္တိုက်ဖအောဝ်ဏာ ဇြိုဟ်ဟ်နက်က်ရောၚ်။
ကံင်ဇြဳဖေဝ်ဒရေဝ်ဍုင်မန်
ကေတ်အဆက် –
နာဲမန်သာင် – (Signal) 081 365 9140
မိသုတဇဝ် – (Signal) 093 538 5190