ပ္ဍဲကဵုအခိၚ်အခါ သၞာံတၟိ အခိၚ်တ္ၚဲဏံဝွံ ညးဍုၚ်ကွာန်မန်တံကီု သီုကဵုညးဍုၚ်ကွာန် အလုံကၟိန်ဍုၚ်တံ ကဵုဂွံဒှ်တသိုက်စိုတ် တသိုက်ကာယျ ၜါပြကာညိအဴ။
ကၟိန်ဍုၚ် (ဗမာ) ပြဟ်ဟ်ဏံဂှ် တၠအဝဵုပၞာန်တံ သီကေတ်လဝ်အဝဵု ပွိုၚ် (၃) သၞာံရ ဒှ်တုဲ ဟိုတ်နူကဵု ဓရ်ဒးဖေက် ကတဵုဒှ်မံၚ် အရိုဟ်ဟ်တ္ၚဲတုဲ ဒးဟောံဇြမွဲမွဲသာ် သွက်ဂွံဝေၚ်အတး ဗွဲမမိပ်မြဟ်ဂှ် ဍေံဟွံဒှ်ကၠုၚ် တၟာလအ်ရ။ နကဵု ဌာနထတ်ယုက် MSFC ပိုဲတံဂှ်မ္ဂး ပံၚ်တောဲ ကဵုဒြဟတ် ရေၚ်တၠုၚ်ဖဵု ညးဍုၚ်ကွာန်တအ်တုဲ လုပ်မံၚ်ပေါဲဗတိုက် ကုတၠအဝဵုပၞာန် မွဲနဲမွဲဗီုရ။ နကဵု ဌာနပိုဲတံဂှ်မ္ဂး ပ္ဍဲအရာ ရေၚ်တၠုၚ်ဒုၚ်ကာကဵု ညးဍုၚ်ကွာန်တံဂှ် ညံၚ်ဂွံကိတ်ညဳကဵု သၞောတ်ဝ်ဖေဝ်ဒရေဝ်ဂှ် ရုန်ဂစာန်အာရောၚ်။ လက္ကရဴအိုတ် မိက်ဂွံဟီုဂှ်မ္ဂး ပိုဲတံ ညးဍုၚ်ကွာန်ဂမၠိုၚ် ပံၚ်ကောံ ညးသကအ် ဗွဲမချိုတ်ပၠိုတ်တုဲ ပၠန်ဂတးအာ တၠအဝဵုပၞာန် ပ္ဍဲအခိၚ်အတးသၚ်္ကြာန်တံညိ။ ယဝ်ရ ပိုဲတံ ပၠန်ဂတးမ္ဂး အနာဂတ် မကျေဝ်ဂေါဝ်ဂှ် ပိုဲတံ ညာတ်ကေတ်မာန်ရောၚ် မိက်ဂွံဟီုဏာ ဆဝ်ဗ္ၚုဟ်ဏာရ။ ပၠန်ဂတး ဗၠးၜးဂကူ ဒးအံၚ်ဇၞးရောၚ်။
မိမ္ၚဵုသဇင် (မိမငေးသဇင်)
ဌာနပရေင်ထတ်ယုက်၊ ကျန်းမာရေးဌာန
ကံင်ဇြဳဖေဝ်ဒရေဝ်ဍုင်မန်၊ မွန်ပြည်ဖက်ဒရယ်ကောင်စီ
