မ္ၚဵုရအဴ… ပ္ဍဲကဵုအခိၚ်အခါ သၞာံတၟိ အတးသင်္ကြာန်ဏံ ဂကူမန်ပိုဲတံ ကဵုဂွံဗၠးဘဲအန္တရာယ်နာနာအိုတ်ညိဂှ် နူကဵု ကံၚ်ဇြဳဖေဝ်ဒရေဝ်ဍုၚ်မန် (MSFC) ပိုဲ ရာဒနာဏာရအဴ။
ပ္ဍဲကဵု အခိၚ်အခါကာလ တၠအဝဵုပၞာန်ဗၟာတံ ကြံကြမံၚ်အခိၚ်လၟုဟ် ဍေံတအ် စံၚ်မံၚ်ဍုၚ်၊ စံၚ်မံၚ်ကွာန်၊ သီုကဵု ဘုတ်ဘာ ဂကူမန်ပိုဲတအ်တုဲ အခိၚ်အတးဏံလေဝ် ဟွံဂွံအာဘာ မၚ်သဳ ခိုဟ်ဟ်ရ။
တၠအဝဵုပၞာန်တံဂှ် ရန်ကဵု အဝဵုဍေံတအ် ဆက်တန်အာတုဲ သီကေတ်အဝဵု ပ္ဍဲသၞာံ ၂၀၂၁ တေံကီုရ။ နူကဵုဂှ် ဍေံတအ် စဖအိုတ်ကၠေံ ဒြဟတ်ပရေၚ်ဍုၚ်ကွာန် ဒြဟတ် ပၠန်ဂတးအိုဿီုတံတုဲ စံၚ်ကၠုၚ် ဍုၚ်ကွာန် ကောန်ဍုၚ် အရၚ် ဂကူ ကချေၚ်၊ ချေၚ်၊ ရခေၚ်၊ ကရေၚ်၊ ကရေၚ်ဍာဲ သီုကဵု ဂကူဗမာတအ်ရ။
ဍုၚ်ပိုဲဂှ် ၜိုန်ရ ဒှ်ဍုၚ်ဗုဒ္ဓဘာသာ ကီုလေဝ် ဟိုတ်နူကဵု ညးမတဟၚ်မံၚ်ကဵု အဝဵုအာဏာ၊ ပိုန်ဒြပ်ထဝ်သြန်တံ ဟိုတ်နူအတ္တသၠုၚ်တုဲ ညးဍုၚ်ကွာန်တံ ဒှ်ဒဒိုက်ရ။ ဟိုတ်ဂှ်ရ ပ္ဍဲကဵုအကာဲအရာတ္ၚဲဏံဂှ် ဂကူမန်ပိုဲကဵုပိုဲ သွက်ဂွံ ဗိုၚ်ရီုညးသကအ်ကီု၊ သွက်ဂွံကလိဂွံဗၠးၜးဂှ် သွက်ဂွံကဵုဒြဟတ်ကဵု ပၠန်ဂတးအိုတ်ညိဂှ် ဆဝ်ဗ္ၚုဟ်ဏာကီုရအဴ။
နာဲကသုမန် (နိုင်မွန်စိုင်း)
ဥက္ကဌ
ကမ္မတဳပရေင်အုပ်ဓုပ်၊ အုပ်ချုပ်ရေးကော်မီတီ
ကံင်ဇြဳဖေဝ်ဒရေဝ်ဍုင်မန်၊ မွန်ပြည်ဖက်ဒရယ်ကောင်စီ
