ပ္ဍဲကဵု သၞာံတၟိဏအ် ညးဍုၚ်ကွာန်ညးဂမၠိုၚ် ကဵုသ္ဂောံဂွံ ဗၠးဘဲစိုတ် ဘဲကာယျ အိုတ်ညိဂှ် နူကဵု ဌာန ဓရ်ဗစာရဏာမၞိဟ် ကေုာံ ဟံၚ်ပြာ်ပိုဲတအ် ရာဒၞာဏာရအဴ။
ကြဴနူကဵု ကွာန်မန် ပ္ဍဲကဵုဒေသၜဳဂြိုၚ် ဒးဒုၚ်စံၚ် ဒးဒုၚ်ဗတိုက် နူကဵုတၠအဝဵုပၞာန်တံတုဲ ဂကူပိုဲတံ ဒးကေတ် ခန်လ္ၚတ် တၟာဂလိုၚ်ကီုရ။ ကံကုသဵုဂကူမန် မန်တအ်ဂွံဖန်ကေတ်မာန်ဂှ် ဒးရုန်ဂစာန် အရာ ပရေၚ်ဍုၚ်ကွာန် ပရေၚ်ပၞာန် ပရေၚ်ဂီုကၠီုဂကူတံ တၟာဂလိုၚ်ဏီရောၚ်။
နကဵု ဌာနဌာနဓရ်ဗစာရဏာမၞိဟ် ကေုာံ ဟံၚ်ပြာ်ပိုဲတအ်ဂှ် ပ္ဍဲကဵု အခိၚ်အခါ ညးဍုၚ်ကွာန်ကောန်ဂကူမန် တအ် ဒးဆဵုဂဗ ကုပဋိပက္ခနာနာ ကာလ ဒးထောံကၠေံသ္ၚိဌာန် ကေုာံ နွံပၟိက်ကဵု ပရေၚ်စသုၚ်မံၚ်စံၚ်မ္ဂး ပိုဲတံ အာစိုပ် ဗွဲမပြဟ်ပြေဟ်တုဲ ကဵုအာရီုဗၚ်ရောၚ်။ အရာရီုဗၚ်ဟံၚ်ပြာ်ဂှ် ဍေံဒှ်အာ ဍာ်ဒမၠိၚ်ရောၚ်တုဲ နကဵုပိုဲ ဖျေံမူဝါဒ ပရေၚ်အုပ်ဓုပ် ဍာ်ဇမၠိၚ်မွဲတုဲ သွက်ဂွံဗိုၚ်ရီုဗၚ်အာနွံရောၚ်။
စပ္တံနူကဵု သၞာံတၟိဏံတုဲ ပ္ဍဲအရာရီုဗၚ်ဟံၚ်ပြာ် ညးဍုၚ်ကွာန်တံဂှ် သွက်ဂွံပံၚ်တောဲကၠောန်ၜိုတ်အာ ညးသကအ် မွဲစွံဂှ် ဆဝ်ဗ္ၚုဟ်ဏာရ။ အလုံညးဍုၚ်ကွာန် ကဵုဂွံဗၠးဘဲအန္တရာယ်ညိ။ ပၠန်ဂတး ဗၠးၜးဂကူ ဒးအံၚ်ဇၞးရောၚ်။
မိသုတဇဝ် (မိသုတဂျော်)
ဌာန ဓရ်ဗစာရဏာမၞိဟ် ကေုာံ ဟံၚ်ပြာ်၊ လူသားချၚ်းစာနာမှုနှင့် ကယ်ဆယ်ရေးဌာန
ကံၚ်ဇြဳဖေဝ်ဒရေဝ်ဍုၚ်မန်၊ မွန်ပြည်ဖက်ဒရယ်ကောၚ်စီ
