စၟတ်တ္ၚဲ – ၂၃ အေပရေဝ် ၂၀၂၄
ပ္ဍဲကဵု စၟတ်တ္ၚဲ ၂၂ ဂိတုအေပရေဝ် ၂၀၂၄ ဂှ် နူကဵု ဗော်ဍုၚ်မန်တၟိ (ဗတိုက်သရိုဟ်တၠအဝဵုပၞာန်) (NMSP-AD) ကဵု ကံၚ်ဇြဳဖေဝ်ဒရေဝ်ဍုင်မန် (MSFC) ကောံဓရီုညးသကအ် အလန်ပထမတုဲ လပါ် ကံၚ်ဇြဳဖေဝ်ဒရေဝ် ဍုင်မန်ဂှ် ကံၚ်ဇြဳ (၉) တၠ၊ လပါ် ဗော်ဍုၚ်မန်တၟိ (ဗတိုက်သရိုဟ်တၠအဝဵုပၞာန်) ဂှ် ဂကောံအာက္ဍိုပ် ပရေၚ်ဍုၚ်ကွာန် ပရေၚ်ပၞာန် (၆) တၠ တိုန်စိုပ်ရ။
ပ္ဍဲကဵုကောံဓရီု အလန်ပထမဝွံ ဂကောံၜါလ္ပာ်တံ ဂွံကၠုၚ် တၚ်တုပ်စိုတ် အတိုၚ်ဗွဲသၟဝ်ရ။
(၁) NMSP-AD ကဵု MSFC တအ်ဝွံ မပ္တံကဵုကဏ္ဍပရေၚ်ဍုၚ်ကွာန်ပရေၚ်ပၞာန်၊ ပရေၚ်ရီုဗၚ်ညးဍုၚ်ကွာန် ကေုာံ ကဏ္ဍနာနာတအ်ဂှ် ကဏ္ဍညးကုညး ကမၠောန်ထေက်ကြိုက် မဒးပံၚ်တောဲကၠောန်အာ ညးကသအ်နွံတအ်ဂှ် ကၠောန်ၜိုတ်အာရောၚ်။
(၂) စပ်ကဵုကမၠောန် မဒးပံၚ်တောဲကၠောန်အာထေက်တအ်ဂှ် အကြာဂကောံၜါလပါ် ဂွံပညဳပညပ် ပရေၚ်ကမၠောန်မာန် ဒက်ပတန်အာ ＂ဂကောံပညဳပညပ်ပရေၚ်ကမၠောန်＂ မွဲဂကောံရောၚ်။
စပ်ကဵု လၟေၚ်ကမၠောန် ပညဳပညပ်ကလိဂွံတၚ်တုပ်စိုတ်ဂှ် ပတိုန်ထ္ၜးဏာကဵု ညးဍုၚ်ကွာန် ဂကူမန် ကေုာံ ညးဍုၚ်ကွာန် အလုံကၟိန်ဍုၚ်တံ လၟေၚ်ၚ်ရောၚ် လလောၚ်တြးဏာရအဴ။
ဗော်ဍုၚ်မန်တၟိ (ဗတိုက်သရိုဟ်တၠအဝဵုပၞာန်) ကံၚ်ဇြဳဖေဝ်ဒရေဝ်ဍုၚ်မန်
ကေတ်အဆက်မ္ဂး
နာဲကသုမန် (Signal +66813659140)
မိရတ်ဆာန် (Email: [email protected] )
