စၟတ်တ္ၚဲ. ၇၊ ၄၊ ၂၀၂၄
ပိုဲတအ် ယဵုဒုၚ်ဂိုၚ်ကေတ် လညာတ်ဆန္ဒညးဍုၚ်မန်တုဲ တၞဟ်နသ္ဂောံဒှ်ပရေၚ်ညဳသၟဟ် အကြာဒြဟတ် ပရေၚ်ဍုၚ်ကွာန်မန်၊ ဒြဟတ်ပၞာန် အပ္ဍဲပၠန်ဂတးတံကီု၊ ရန်တၟအ်လဝ် လုပ်အာပေါဲဗတိုက် ကုသၞတၠအဝဵုပၞာန်ကေုာံတၠအဝဵုနာနာတံကီုတုဲ ပိုဲတအ် ဆဵုဂဗညးသကအ် အကြာဂကောံပၠန်ဂတး ပိဂကောံ – အကြာကံၚ်ဇြဳဖေဝ်ဒရေဝ်ဍုၚ်မန်(MSFC)၊ ဒပ်ပၠန်ဂတးဍုၚ်မန်(MSRF) ကေုံာ ဒပ်စဵုဒၞာဍုၚ်မန်(MSDF)ဂှ် ဂွံတၚ်တုပ်စိုတ် အတိုၚ်ဗွဲသၟဝ်ဝွံရ။
၁။ ညးမအာက္ဍိုပ် ပရေၚ်ဍုၚ်ကွာန် ပရေၚ်ပၞာန် နူကဵု ဒပ်စဵုဒၞာဍုၚ်မန်(MSDF) လ္ၚဵုတအ်ဂှ် ပံၚ်တောဲပါလုပ် ကေတ်အာတာလျိုၚ် အရာပရေၚ်ဍုၚ်ကွာန် ပ္ဍဲကံၚ်ဇြဳဖေဝ်ဒရေဝ်ဍုၚ်မန်ရောၚ်။
၂။ သွက်ဒပ်စဵုဒၞာဍုၚ်မန်(MSDF) ဂွံတန်တဴအာကီု ဂွံဇၞော်မောဝ်တိုန်ကီု နူကဵု ကံၚ်ဇြဳဖေဝ်ဒရေဝ်ဍုၚ်မန်(MSFC) ကဵုအာရီုဗၚ်အာရောၚ်။
၃။ ဒပ်ပၠန်ဂတးဍုၚ်မန်(MSRF)ကဵု ဒပ်စဵုဒၞာဍုၚ်မန်(MSDF)တအ်ဝွံ ပ္ဍဲအရာ လုပ်အာပေါဲဗတိုက် ကုတၠအဝဵုပၞာန်ကဵု တၠအဝဵုနာနာတအ်ကီု၊ ပ္ဍဲအရာ ဒက်ပတန်ဍုၚ်မန်ဂှ် နဒဒှ် ဒပ်မဟာမိတ် စဵုကဵုလအိတ် ပံၚ်တောဲအာရောၚ် တုပ်စိုတ်ရောင်။
၄။ ဒပ်စဵုဒၞာဍုၚ်မန်(MSDF)ကဵု ဒပ်ပၠန်ဂတးဍုၚ်မန်(MSRF)တံ တုပ်စိုတ် သွက်ဂွံပံၚ်တောဲအာ လပါ်ပၞာန် အတိုၚ်ဗွဲသၟဝ်ဝွံရ။
(က) ဒပ်ပၞာန် သီုၜါဒပ်ဝွံ စပ်ကဵု ပကတ်ပကေင်ဘာပၞာန်ကီု၊ အရာကၠောန်ပတိတ်ကပေါတ်ပၞာန်တံ နွံမ္ဂး ကသေအ်ကၟဝ်အာ ညးသကအ်ရောၚ်။
(ခ) ဒပ်ပၞာန် သီုၜါဒပ်ဝွံ စပ်ကဵု ပရိုၚ်သဇိုၚ်သၞတၠအဝဵုပၞာန်ကီု ပရေၚ်ဆဵုဂဗပၞာန်နာနာတံကီုဂှ် သၠာဲဂတးအာ ညးသကအ်ရောၚ်။
(ဂ) ဇၟာပ်ပ် အကာဲအရာ မံက်ဂတဝ်ကၠုၚ်မ္ဂး ပံၚ်တောဲလုပ်အာပေါဲဗတိုက် ညးသကအ်မွဲစွံရောၚ်။
နာဲကသုမန် +66 81 365 9140 (Signal)
Dr.သီရိမန်ဆာန် +66 92 754 4895 (Signal)
